Namaskar doston,Happy independence day to all. Aaj hum banane jaa rahe hai shaam ki chhoti chhoti bhookh ke liye jhatpat banane wali spicy masala papad cone. Jab kuch khane ka mann ho chatpat aur jo ban bhi jaaye jhatphat toh bas bana lijiye ye tasty papad cone
Friends, isse banane ke liye .hume kuch special preparation nahi karni hoti hai. Jo bhi ingredients easily available hote hai hum unse hi isse bana sakte hai. Toh chaliye start karte hai.
Ingredients:-
- 2 papad (for cone)
- 1/2 cup roasted peanuts
- 1 chopped onion
- 1 chopped tomato
- 1 tbsp chopped cucumber(kheera)
- 1 boiled & chopped potato
- 1 green chilli
- Few coriander leaves
- 2 tsp tomato sauce
- 1 tsp green chutney
- 1/2 bikaneri bhujia
- Other spices according to taste (Salt, black salt, cummin powder & chat masala)
Method:-
Sabse pehle hum ek bowl me papad chhod kar baaki saare ingredients aur spices daal kar mix kar lenge. Friends ingredients aap apni pasand se kuch kam ya zyada bhi kar sakte hai. Jaise aap isme sprouts ya aur koi veggie daal sakte hai. Aap chahe toh isme koi fruits bhi daal sakte hai jaise anar ke daane ya grapes. Ab hamari stuffing ready hai. Ab hum ek papad lenge aur usse half kar ke roast kar lenge. Uske baad hume isse bahut quickly se cone ka shape dena hai. Ab hum isme stuffing daalenge aur bikaneri bhujia ya mahin wali sev ( jo bhi available ho) se garnish kar denge.
Lijiye hamara masala papad cone ready hai. Toh friends hai na bahut hi assan aur jhatpat banane wala snack. Aap isse evening snack ya kisi party ke starter ke liye bhi bana sakte hai. Dekhne me aisa ki muah me paani aa jaaye aur swad aisa ki barbar banane ka jee chahe.
Friends aisi hi simple aur delicious recipes jisse ghar par banana ho bahut aasan, dekhne ke liye mere blog ko visit and follow kare.☺☺
Aap chahe toh mere facebook page ko bhi like and share kar sakte hai๐๐๐
https://www.facebook.com/haathkirasoi