Namaste doston, aap sabhi ko ganesh chaturthi ki hardik shubhkaamna. Doston ganeshji ko modak bahut hi pasand hote hai aur hum sab ganpati bappa ko khush karne ke liye kai prakar ke modak banatae hai. Aaj hum banane jaa rahe hai sirf 3 ingredients ke saath banane wala bahut aasan modak. Coconut mawa modak. Iske liye hume sookha naariyal chahiye. Toh aaiye dekhte hai iske ingredients:-
- 200 gr sookha naariyal
- 100 gr sugar
- 100 gr mawa
- 1tsp desi ghee
Toh friends chaliye start karte hai isse banana:-
Method:-
Sabse pehle hum naariyal ko chhote chhote pieces me cut kar lenge aur phir isse mixer me grind kar lenge. Ab ek pan me ghee daalenge aur thoda sa garam hone par naariyal add kar denge. Hum isse medium flame par 5 min bhun lenge. Ab hum isme mawa add karenge aur 5 min medium flame par aur bhun lenge. Hume isse zyada nai bhunana hai nahi toh iska color change ho jaayega. Ab flame off kar denge aur isse kisi plate me nikal lenge.
Ab hum pan me sugar daalenge aur half katoori paani daal kar 1 taar ki chasni bana lenge. Phir isme coconut daal kar mix karenge. Flame medium rakhenge. 5 min baad flame off kar denge aur isse thoda thanda hone denge. Ab hum isse modak ka shape denge. Lijiye hamara coconut mawa modak ready hai.
Toh aaiye is ganesh pooja hum ye easy aur tasty modak bana kar ganpati bappa ko bhog lagaye aur unhe prasann kare.
Tips:-
1. Aap chahe toh sookhe naariyal ki jagah naariyal ka burada bhi use kar sakte hai.
2. Aap chahe toh coconut ke peeche ka kala kaala wala portion bhi peel off kar sakte hai. Mujhe toh aise hi pasand hai isliye maine nahi hataya.๐๐
Doston aapko meri aaj ki recipe kaisi lagi. Agar pasand aayi ho toh ek baar try jaroor kariyega. Aise hi aur bhi easy recipe ko dekhte rehne ke liye mere blog ko visit karna na bhule
https://haathkirasoi.blogspot.com
Aap chahe toh mere facebook page ko bhi like and share kar sakte hai.