Aaj ke is shubh mauke par aaiye hum sab milkar banaye aaple mawa delight. Isse banana bahut hi aasan hai aur hum bahut hi kam ingredient ke saath isse bana sakte hai. Dekhne me jitni khubsoorat khane me utni hi swadist.
Friends market me ye sweet bahut hi costly milti hai par hum isse ghar par bahut kam kharche me hi aasani se bana sakte hai. Toh aaiye shuru karte hai isse banana๐
Ingredients:-
- 100 gr paneer
- 200 gr khoya
- 100 gr sugar
- 4 elaichi powder
- Red food color
- 1 tsp desi ghee
- Some cloves for shape
Method:-
Sabse pehle hum paneer ko khoob acche se chikna hone tak mash karenge. Aap chahe toh is process ko qucikly karne ke liye paneer ko mixer me 2-3 mins ke liye churn kar le. Ab isi tarike se hume khoya ko bhi chikna hone tak mash karna hai. Ab hum ek pan lenge or isme paneer aur khoya daal kar bhun lenge. Flame medium to low rakhni hai. Jab mixer thoda thick hone lage tab hum isme sugar daalenge aur mix karenge. Hume isse tab tak bhunna hai jab tak ye dough ke jaise na ban jaaye. Ab hum isme ghee mix karenge aur pan chhodne tak bhunenge. Dhyan rahe hume bahut tight nai karna hai mixer ko kyonki ye thanda hone par bhi tight hoga. Ab isme elaichi powder daal denge aur flame off kar denge. Ab hum is dough ko thanda hone denge. Hume dough ko itna thanda karna hai ki hum isse apne haathon se isse press kar sake. Ab isse press karte hue chikna kar le. Ab hum iski chhoti goli banayenge or apni fingure se press karte hue isme gaddha jaisa banayenge jisse apple ka shape denge. Ab hum ek clove lenge aur isko ulta karte hue gaddhe ke middle me lagayenge jisse apple ki danthal ban jaayegi. Ab ek katori me red food colour lenge aur isme thoda paani milayenge. Ab ek brush ki help se hum apple ko red colour se colour karenge.
Ho gayi hamari apple mawa delight ready. Sri krishna janam utsav ke mauke par is khaas mithai ko banaiye aur apne kanha ko bhog lagaiye. Jai sri krishna๐๐
Tips:-
1. Sugar hum apne taste ke according thodi kam ya zyada kar sakte hai.
2. Dough ko hume bahut zyada thanda nai karna hai.
Apple ka shape kaise dena hai uske liye ye video dekhen๐
Friends agar aapko meri recipe pasand aayi ho toh plz mere blog ko visit and follow jaroor kare.
Aap chahe toh mere facebook page ko bhi like and share kar sakte hai๐๐
https://www.facebook.com/haathkirasoi