Namaskar doston, humne bachpan se hi apne ghar me suna hai ki sawan k mahine me ekbaar kheer jarror banani chahiye or apne poore pariwar k saath baith kar khani chahiye. Agar paramparik bhartiya khane ki baat ho toh wo bhi kheer k bina adhoori hi hai. Ab kheer toh hum sabko hi banani aati hai lekin phir bhi hum sab ke banane ki vidhi alag hoti hai.
Aaj main aap sab ke saath kesariya badam kheer ki recipe share karne jaa rahi hoon. Isme daale hue kesar or badam iske swad ko lajabab bana dete hai. To aaiye suru karte hai mere saath meri vidhi se kheer banana.
Preparation time:- 15-20 mins
Cooking time:- 1 hour on medium flame
Ingredients:-
1 ltr full cream milk
100 gr rice
200 gr sugar
2 elaichi powder
1tsp desi ghee
Kesar few strands
1 handfull badam
1 pinch yellow food color(optional)
Preparation:-
- Chawal ko acche se paani se wash karke soak Kar le.
- Kesar ko 2 tsp milk me soak kar le.
- Aadhe badam ko mixer me dardara grind Kar le or aadhe badam ko baarik chhoped Kar le.
Method:-
Sabse pehle hum ek bartan me doodh ko boil karne rakhenge. Jab milk boil ho jaaye toh flame medium kar denge or 10 min or boil hone denge. Uske baad hum isme soak kiya hua chawal (paani nikal kar) add karenge or pakne denge . Friends isse medium flame par hi pakana hai, beech beech me hum isse chalate rahenge. Half hour k baad hum dekhenge ki iski consistency thick ho jaayegi . Ek baar hum chawal check kar lenge agar acche se cook ho gaye hai toh thik hai nai toh 10 min or paka lenge. Ab hum isme ghee,grind kiya hua badam or sugar add karenge. Elaichi powder b add kar denge. Sugar daalne se kheer ki consistency thin ho jaayengi isliye hum flame full kar denge or lagatar chalte hue 5-10 min or paka lenge. Ab hum isme kesar wala milk or chhoped badam daal denge or flame off kar denge. Ab hum isse kisi plate se cover kar ke 10 mins k liye chhod denge. 10 mins baad hum dekhenge ki kesar apna color chhodega or kheer me se bahut hi acchi kusboo aa rahi hai.
Lijiye ji aapki keshariya badam kheer ready hai. Ab isse apne mann chahe dryfruits se garnish kare le ya phir aise hi khaye. Chahe toh isse garam serve kare ya phir freeze me thanda karke cool cool kheer ka anand le.
Toh friends ye thi kheer banane ki meri receipe. Yakeen maaniye ek baar ye kheer khayenge toh rabdi khana bhool jaayenge☺☺.
Ek baar try jarror kare or please apne valuable suggestions or feedback jarror de. Thanks☺☺
Meri or bhi recipes ko dekhne k liye aap mere facebook page ko bhi like and share kar sakte hai๐๐๐